Hilhas n'aimetz pas tant los òmis

Hilhas n'aimetz pas tant los òmis
 

Hilhas n'aimetz pas tant los òmis
Aqueths d'ont son tant jogadors.

Son nuèit e jorn dins las aubèrjas
Tant qu'an d'argent se'u jogan tot.

Quand n'an pas mès, eths qu'en empruntan
Aus sons amics e companhons.

N'es mièja nuèit quand se retiran
E maut d'un còp lo punt deu jorn.

Au permèr mot dont ditz la hemna
Brut e tempesta a la maison.

Gahan lo pau darrèr la pòrta
Trucs e patacs a Janeton.

Son aquò, galant las promessas
Dont me hasetz en hèr l'amor.

Vos me disetz jo que'n s'ri dauna
Dauna que tot a la maison.

Adara soi vòstra esposada
Que mi trucatz tres còps per jorn

L'un lo matin l'aute lo vespe
L'aut' lo ser per colacion.

Entà soi pas solament dauna
De mi crompar un cotilhon

La, la galant las claus deu cròfe
Las deu petit cabineton.

Aquí trobratz las bèras jòias
Dont vos m'atz dat en hèr l'amor.

N'auratz entà balhar las autas
A las dont aimatz mès qu'a jo.

Estatz be suau, pèga minharda
N'aimi pas nada mès qu'a vos.